Кыргызстанда орточо айлык акы 45 миң сомдон ашты

Бул тууралуу Улуттук статистикалык комитеттен билдиришти. 

2025-жылдын ушул мезгилине салыштырмалуу бул көрсөткүч 16,1%га өскөн.

Инфляцияны эске алуу менен реалдуу эмгек акы 6,3%га өскөн, бул калктын кирешесинин оң динамикасы сакталып жаткандыгын көрсөтөт.

Белгиленгендей, орточо айлык номиналдык эмгек акынын өсүшү экономикалык иштин бардык түрлөрү боюнча катталган.

Эмгек акынын эң жогору өсүшү төмөнкү тармактарда байкалды:

• административдик жана көмөкчү ишмердүүлүк — 49,4%га;
• саламаттыкты сактоо жана калкты социалдык жактан тейлөө — 35,8%га; 
• электр энергиясы, газ жана буу менен камсыздоо — 30,5%га; 
• кесиптик, илимий жана техникалык ишмердүүлүк — 27,8%га; 
• кыймылсыз мүлк менен операциялар — 26,5%га чейин; 
• айыл жана токой чарбасы, балык уулоо — 25,3%га.

Ошентип, Кыргызстандын эмгек рыногу 2026-жылдын башына карата эмгек акынын туруктуу өсүүсү кызмат көрсөтүү, энергетика жана социалдык инфраструктура тармактарында катталууда. 

Эске салсак, 2025-жылдын январь-декабрында Кыргызстандагы ишканалардын жана уюмдардын кызматкерлеринин орточо айлык эмгек акысы (чакан ишканаларды эсепке албаганда) 44 419 сомду түзгөн.