Кыргызстандагы криптобизнеске жаңы эрежелерди даярдап жатышат

Экономика жана коммерция министрлиги аудит тармагындагы мыйзамдарга өзгөртүүлөрдү киргизүү боюнча мыйзам долбоорун коомдук талкууга койду.

Документте бир катар өзгөртүүлөрдү камтыйт:

• криптовалюталык биржалар, криптовалюта алмаштыруучулар жана лизинг компаниялары жыл сайын аудиттен өтүүгө тийиш болгон уюмдардын тизмесине киргизилет;
• виртуалдык активдердин кызмат көрсөтүүчүлөрү коомдук кызыкчылык субъектилери катары классификацияланат жана финансылык отчеттуулукту жарыялоого милдеттүү болот;
• аудиторлор үчүн «кынтыксыз ишкердик репутация» талабы киргизилет;
• отчетторду жана аудитордук корутундуларды жарыялоо үчүн Финансылык отчеттуулуктун бирдиктүү мамлекеттик депозитарийи түзүлөт;
• аудиторлор системалык бузуулар үчүн сертификатынан кол жуушу мүмкүн;
• жаңы системада квалификациялык экзамендерди тапшыруу, билим берүү программаларын аккредитациялоо жана финансылык отчеттуулукту жарыялоо үчүн төлөм киргизилет.

Экономика министрлиги өзгөртүүлөр Кыргызстандын ЕАЭБ алкагындагы милдеттенмелерин аткарууга, бизнестин ачык-айкундуулугун жогорулатууга жана каржы рыногуна көзөмөлдү күчөтүүгө багытталганын белгилейт.