Улуттук банктын төрагалыгына Алмаз Бакетаевдин талапкерлиги жактырылды

Алмаз Бакетаевдин талапкерлигин президенттин жана министрлер кабинетинин Жогорку Кеңештеги туруктуу өкүлү Бектур Зулпиев тааныштырды.

Талкуунун жыйынтыгында депутаттар Алмаз Бакетаевди Кыргыз Республикасынын Улуттук банкынын төрагасы кызматына шайлашты. Ага 73 депутат добуш берди.

Буга чейин Улуттук банктын төрагасы кызматын аркалап келген Мелис Турганбаев өз каалоосу менен ыйгарым укуктарын тапшырганы кабарланган.

Белгилей кетсек, Алмаз Бакетаев буга чейин финансы министри кызматын аркалып келген.