Улуттук банк онунчу интервенцияны жүргүздү: жөнгө салуучу орган эмнеге дээрлик 200 млн доллар сатты

Финансылык жөнгө салуучу орган «Улуттук банктын валюта рыногунда операциялар» бөлүмүндө төмөнкүлөрдү билдирди: 

• 41 млн АКШ доллары бүтүмгө келишилген күндөгү эсептөөлөр менен ишке ашырылды;
• 155,2 млн АКШ доллары бүтүмгө келишилген күндөн башка күндөгү эсептөөлөр менен ишке ашырылды.

2026-жылы Улуттук банк төмөнкү суммаларда 9 валюталык интервенция жүргүздү:

• 134,05 млн доллар;
• 109,95 млн доллар;
• 162,55 млн доллар;
• 140 млн доллар; 
• 178,9 млн доллар;
• 168 млн доллар;
• 170,2 млн доллар;
• 222,55 млн доллар;
• 186,4 млн доллар.

Тогуз интервенциянын жалпы суммасы 1 миллиард 472 долларды түздү.

«Интервенциялар бизнести жана калкты коргойт. Убактылуу чет элдик валютанын жетишсиздигин өз убагында жөнгө салбоо валюталар курсунун кескин жана күтүлбөгөн өзгөрүүлөрүнө алып келиши мүмкүн. Бул чийки заттын, күйүүчү майдын, жабдуулардын жана компоненттердин импортуна көз каранды болгон ишканалардын чыгымдарын көбөйтүп, ошол эле учурда төлөмдөрдү пландаштырууну татаалдаштырып, бизнестин белгисиздигин күчөтүшү мүмкүн. Валюталар курсунун кескин өзгөрүүлөрү импорттолгон товарлардын, дары-дармектердин, күйүүчү майдын, азык-түлүктүн жана курулуш материалдарынын баасын көтөрүп, акырында керектөө бааларынын жогорулашына жана калктын сатып алуу жөндөмүнүн төмөндөшүнө алып келиши мүмкүн», - деп буга чейин эле Улуттук банк түшүндүргөн.

Финансылык жөнгө салуучу орган Улуттук банктын валюталык интервенциялары алмашуу курсун жасалма жол менен кармап турууга багытталбаганын белгилейт. Бул убактылуу валюталар рыногунун туруктуу иштешин камсыз кылуу, улуттук валютанын сатып алуу жөндөмдүүлүгүн сактоо жана баалардын туруктуулугун камсыз кылуу үчүн колдонулуучу акча-кредит саясатынын куралы болуп саналат.

Эске салсак, 2025-жылы Улуттук банк жалпы суммасы 853 миллион долларды түзгөн 8 интервенция жүргүзгөн.

2020-жылдан 2025-жылга чейин Улуттук банк 107 интервенция жүргүзгөн. Алты жыл ичинде жөнгө салуучу валюта рыногуна дээрлик 3,8 миллиард АКШ долларын саткан.