Кыргызстанда жыл башында кандай адистер талап кылынууда: тизме

2025-жылдын башына карата калктын саны 7,4 млн адамды түздү. Эмгекке жөндөмдүү калктын саны - 2,86 млн адам болду, анын ичинен жумуш менен камсыз болгон калктын санын 2,76 млн адамды түзөт.

Жумушсуздардын саны - 104,7 миң адам, ал эми жалпы жумушсуздук деңгээли - 3,7%ды түздү. Жыл жыйынтыгы менен республика боюнча расмий жумушсуздук деңгээли 1,3% болду.

Бош орундар

I кварталда 8 087 бош орун катталган, анын ичинен учурда - 5 243 жумуш орду актуалдуу бойдон калууда.

Көп талап кылынган адистер:

• мугалимдер - 323;
• медицина кызматкерлери - 527;
• тигүүчүлөр - 1 065;
• айдоочулар - 427;
• кызмат көрсөтүү тармагынын кызматкерлери - 1 000ден ашык.  

Ошондой эле программисттерге, бухгалтерлерге, соода агенттерине жана IT тармагындагы адистерге суроо-талап өсүүдө.

Иш менен камсыз кылуу жана колдоо

Иш менен камсыз кылуу кызматтарынын алкагында 3 562 жумушсуз жаран жумушка орноштурулган. Каттоодо турган жумушсуздардын саны 57 700 адамды түздү, расмий жумушсуз макамына ээ жарандардын саны - 38 270 .

Министрлик тарабынан иш менен камсыз кылууга көмөк көрсөтүү кызматтары жашаган жери боюнча акысыз көрсөтүлөт. Алар:

• жумушсуз катары каттоо жана тиешелүү маалымкаттарды берүү;
• кесиптик окутууга, кайра даярдоого жана квалификацияны жогорулатууга жөнөтүү;
• жумушсуздук боюнча жөлөкпулдарды дайындоо жана төлөө;
• убактылуу жумуш менен камсыз кылуу;
• соцконтракт аркылуу колдоо жана стажировкалар.  

Жалпысынан кызматтарга 39,4 миңге жакын адам кайрылган, 2 миңден ашууну окууга жөнөтүлгөн.

Каякта эң көп төлөйт: 

2026-жылдын январь айындагы маалыматына ылайык, тармактар боюнча орточо айлык эмгек акы төмөнкүдөй: 

• кен казуу өнөр жайы — 86 971 сом;
• финансы сектору — 83 277 сом; 
• маалымат жана байланыш — 80 277 сом; 
• өнөр жай — 68 101 сом; 
• эң аз төлөнүүчү тармактар — билим берүү (27,3 миң сом) жана маданият.